O Sindicato CSIF volve solicitar ao SERGAS a creación da lista de selección temporal de Enfermeira Especialista en Xeriatría
- CSIF Informa
9 de de juliol de 2024
![](https://www.csif.es/uploads/articulo/imagenPrincipal/copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-copia-de-sanidade-1640-x-518-px-1720526573.png)
CSIF Sanidade vén de se dirixir de novo ao SERGAS para reclamar a creación da lista de selección temporal da categoría Enfermeira Especialista en Xeriatría.
Esta especializade de Enfermería Xeriátrica foi creada coa finalidade de proporcionar coidados especializados aos pacientes xeriátricos e está regulada polo Real Decreto 450/2005, do 22 de abril, sobre especialidades de enfermería, abarcando un amplo abanico de funcións que inclúen, entre outras, as seguintes:
1. Avaliación integral de saúde; Realizar valoracións completas do estado de saúde dos pacientes anciáns, tendo en canta tanto os aspectos flsicos como os psicosociais.
2. Planificación de coidados: Deseñar e implementar plans de coidados individualizados que respondan as necesidades especificas de cada paciente, con especial énfase na prevención de complicacións e na promoción da autonomía.
3. Xestión de enfermidades crónicas: Aplicar coñecementos especializados para o manexo e tratamento de enfermidades crónicas comúns na vellez, como diabetes, hipertensión, demencias e enfermidades cardiovasculares.
4. Educación para a saúde: Promover hábitos de vida saudables e proporcionar educación tanto aos doentes como ás súas familias, co obxectivo de mellorar a autoxestión das condicións de saúde.
5. Coordinación interdisciplinaria: Colaborar de maneira efectiva con outros profesionais da saúde e co equipo interdisciplinar para garantir un enfoque integral e coordinado no coidado do paciente.
6. Investigación e formación continua: Participar en actividades de investigación e manterse actualizado sobre os avances na área de xeriatría para asegurar a mellar práctica clinica baseada na evidencia.