Os sindicatos que conforman a Mesa Sectorial do SERGAS manifestan o seu malestar por non ter sido contactados aínda polo novo conselleiro de Sanidade

Santiago de Compostela, 3 de mayo de 2024.-  Os sindicatos representados na mesa sectorial do SERGAS queren manifestar o seu malestar porque a día de hoxe aínda non houbo ningún contacto por parte do gabinete da Consellería cos lexítimos representantes dos traballadores e traballadoras.

Carlos Castro, presidente de CSIF Sanidade, súmase aos seus compañeiros na Mesa e lémbralle ao Conselleiro que o principal valor “da nosa sanidade son as e os profesionais que prestan atención e coidados á cidadanía”.

Estas críticas veñen logo de ver cómo no acto de presentación do novo titular de Sanidade, “os únicos que fomos esquecidos fomos o persoal da sanidade pública e a día de hoxe aínda non fomos convocados malia a súa suposta vontade de diálogo”.

“Agardamos -engande- que tan só sexa un “lapsus” e os responsables do Goberno de Galicia lembren que existe un foro lexitimamente constituído, e uns representantes dos traballadores e traballadoras legalmente elixidos, para tratar e negociar as condicións laborais do persoal, máis alá dos contactos que poidan manter con calquera outra asociación ou organización”.