CSIF solicita á Comisión Mixta do TSXG que apoie o mantemento dos xulgados de instrución existentes na negociación dos Tribunais de instancia.

Coa entrada en vigor da Lei Orgánica 1/2025, do 2 de xaneiro, desde CSIF manifestamos a nosa desconformidade coa posible transformación dun xulgado de instrución en xulgado de violencia sobre a muller, debido a que entendemos que isto sería un parche á situación que se vive en Galicia co aumento da delincuencia e por tanto da carga de traballo dos xulgados de Instrución.

CSIF avoga pola creación dun Xulgado de reforzo de violencia sobre a muller na cidade da Coruña e Vigo (co persoal funcionario necesario) onde devandito reforzo se encargaría do atraso dos asuntos dos anos 2024 e anteriores, e o actual Xuíz/xuíza dos dos anos 2025 en diante. En canto ao resto da sete grandes cidades procedería a creación dun Xulgado de Violencia, ou SECCION de violencia sobre a muller dada a importancia do tema que tratamos.

Solicitamos por tanto o mantemento de todos os Xulgados de Instrución de toda a Comunidade de Galicia, tendo en conta a carga de traballo que os mesmos xa están a sufrir, sen que proceda a reconversión de ningún deles e, a maiores se creen as correspondentes SECCIÓNS especializadas de violencia sobre a muller coa praza de xuíz/xuíza que corresponda ás devanditas seccións e o aumento en todo caso do persoal funcionario que fora necesario.

Pedimos o apoio da Comisión Mixta do TSXG, para que no momento de negociación dos Tribunais de Instancia se teña en conta o solicitado no presente escrito