IX CONCURSO DE POSTAIS DE NADAL

CSIF Lugo vén de convocar a IX edición do concurso de postais de nadal dirixido a fillos e fillas dos seus afiliados, así como dos seus familiares, co obxecto de felicitar as festas do vindeiro ano coa postal gañadora.

A convocatoria permanecerá aberta ata as 24.00 H do próximo 16 de decembro. De seguido damos conta das bases para participar:

PARTICIPANTES

Poderán participar os fillos/as de todos os afiliados/as e dos familiares dos afiliados/as de CSIF Lugo que estean na etapa educativa de Primaria

TEMA

O tema da tarxeta será alusivo ao Nadal e de creación propia. Ademais do debuxo poderase incluír frase, texto curto…..de felicitación. Valorarase a orixinalidade, a creatividade, a complexidade e a presentación en función da idade dos participantes.

FORMATO

O formato da tarxeta será en folio, cartolina, cartón.... de cor branca tamaño A5 (metade dun A4) A técnica será libre e poderán empregarse todas as cores, ben sexa con ceras, rotuladores, acuarelas, témpera… e tamén todas as técnicas

PRESENTACIÓN DOS TRABALLOS

Só se poderá presentar unha tarxeta por participante. Non levará sinatura e no dorso da mesma figurará:

 Nome e apelidos do participante

 Domicilio

 Idade

 Teléfono de contacto

As tarxetas entregaranse na sede de CSIF LUGO ou enviaranse por correo ordinario ao seguinte enderezo: Rúa Conde ,2 Baixo Posterior. 27003 Lugo.

PRAZO DE PRESENTACION

A data límite de entrega ou recepción será ata as 24:00 horas do 16 de Decembro de 2024.

PREMIO

A todos os participantes faráselle entrega dun pequeno agasallo. Ao gañador/ra faráselle entrega dunha TABLET

ACEPTACIÓN DAS BASES

Todas as tarxetas presentadas serán expostas na sede e pasarán a ser propiedade do sindicato.

A tarxeta seleccionada empregarase para felicitar o Nadal o vindeiro ano e so poderá ser utilizada polo sindicato CSIF. A participación neste concurso suporá a aceptación das bases